نویسنده : فرمیسک فرهادی /// داخۆ چا ساتەنە وەروەکێ ئاما ملتەرە یادٚوو چێشیت کەرد؟
داخۆ وەروو وێتەرە ویروو چێشیت کریابۆ؟
ئاخ پەی دەسە سەردا‌‌‌‌‌‌‌‌‌بەردەکەیت!
ئاخ پەی پاڵا دڕیاکەیت!
ئاخ پەی باخەڵە هاڵیەکێت!
ئاخ پەی ڕەنگە زەردەکێت!
ئاخ پەی هەڵسەکاو ئەدٚایت!
پەی لچە ڕەنگ پڕایەکاو تاتەیت!
ئاخ داخۆم چی ڕوە سەردەنە دەسێ خاتوونەکێت هاڵیێ بیێبا و تۆ لوابی تیکێو ژیوای باری؟
قابلەمەکەت خەجاڵەتوو کناچەکێت بیەبۆ؟
ئاخ پەی ڕۆڵە هەتیمەکات، ئاخ پەی کناچە وەشڵەکێت کە پەڕوو دەساش تیکەش نەگێرت، پەڕوو چەما ڕوەی شادٚەو تۆش نەدٚیە، ئەدٚاش نەدٚیەش جلێ شادٚێش پۆرە با، تاتەش نەدٚیش سێر‌سێر خوۆ!
ئیسەیچ داخەو هەتیمی کێشۆ
ئای واڵێ گیان! واڵە هەتیمەکێم! واڵە کزەکێم، واڵە ماتەکێم
ئەدٚام مەیارۆ بە دڵ گرەوۆ،
گەرەکش نیا تۆ چانەی زیاتەر خەمت بۆ، ناقش کەردەن،
داخەکێش متێنێشەرە دلێ دڵیش
واڵە عالەکێم هۆشت وێت بۆ
ئای تاتە گیان من خەموو تۆم نیا تاتەگیان ،
تۆ لوای، سەربەرز لوای، شۆنوو نانیەرە لوای، شۆنەو نانیەرە لوابێنی و پێسەنە پەی جەهادی لوابی
تۆ شەهێدٚەنی تاتە گیان، تۆ شەهێدٚەنی، بەڵام خەموو ئەدٚایم وەروو
ئەدٚاکێم ، بێکەسەکێم، ئەدٚا هەتیمبارەکێم
ئەدٚا گیان
ئەدٚا گیان
ثبت دیدگاه